Ikastetxeak Dimako Artabe auzoan baserria dauka, irakaskuntza eta bizikidetza gunea. Ikasturtean zehar hamaika ekintza antolatzen ditugu bertan neska-mutilak bertoko kultura, gizarte, natura eta erlijioarekin harremanak izateko aukera izan dezaten, jolas-jarduerak oinarri ikasten duten bitartean: dinamika aktiboak, jokoak, kirola… Jarduera hauek guztiek bizikidetza errazten dute, naturaz gozatzeko aukera eskaintzen diete eta ohikotasuna eta fedearen arteko batasuna ahalbidetzen dute. Era berean, euskararen erabilera indartu eta ikasturtean zehar lantzen denaren ildotik, egitarau curricularra aberasten dute. Egitaraua Pastoraltza taldeak antolaturiko bestelako hainbat ekintzekin osatzen da, hala nola, bizikidetzak, Pazkoa eta Gabonetako topaketak edo udalekuak.