ARI GINEN
Kaixo! Claret Askartzan ongi etorria ematen dizugu. Badakigu zein garrantzitsua den zure seme-alabarentzako Ikastetxea hautatzea eta horregatik, prozesu honetan lagundu nahi zaitugu, zure esanetara gaudelarik.
Zure zalantzak partekatzeko aukera eman nahi dizugu eta era berean, gure hezteko modua ezagutzera gonbidatzen zaitugu. Hemen, ikasle bakoitzaren beharrizan ezberdinei erantzuna ematen diegu eta ikasleak ezagutza, gaitasun eta batez ere, baloreetan hezten ditugu.
ARI GINEN
Kaixo! Claret Askartzan ongi etorria ematen dizugu. Badakigu zein garrantzitsua den zure seme-alabarentzako Ikastetxea hautatzea eta horregatik, prozesu honetan lagundu nahi zaitugu, zure esanetara gaudelarik.
Zure zalantzak partekatzeko aukera eman nahi dizugu eta era berean, gure hezteko modua ezagutzera gonbidatzen zaitugu. Hemen, ikasle bakoitzaren beharrizan ezberdinei erantzuna ematen diegu eta ikasleak ezagutza, gaitasun eta batez ere, baloreetan hezten ditugu.
HASI MATRIKULAZIOA
Elkar ezagutu dezagun! Ikastetxean zure seme-alaba matrikulatzeko jarraitu beharreko urratsak azalduko dizkizugu.
BISITATU GAITZAZU
Murgildu zaitez gure instalazioetan eta gure hezkuntza-ekosistema aberasgarria ezagutu ezazu. Aurrez-aurre ezagutuko duzu zure semeari edo alabari hemen itxaroten dion guztia: proiektu akademiko bikaina, zerbitzuen aniztasuna, langileen gertuko laguntza, ingurune naturala, ikastetxearen hurbiltasun giroa… Zure kezka eta zalantza guztiak aurrez aurre 2 orduko bisita pertsonalizatuan argituko ditugu.
Hobekien datorkizun eguna eta ordua aukeratu ezazu eta, datuak bete ondoren, mezu bat jasoko duzu bisitarako behar dituzun xehetasun guztiekin.
Zu hartzeko irrikitan gaude!
Egutegian agertzen diren hitzorduak Batxilergorako interesa daukaten familientzat zuzendutakoak dira.
Hartu ezazu zure hitzordua
2 urteko geletatik DBHra arteko etapara eta Batxilergoko matrikulazio-datak Euskal Autonomia Erkidegoko Hezkuntza Sailak ezartzen ditu urtero. Jarraian, data ofizialen berri ematen dizuegu:
2024-25 IKASTURTERAKO DATA OFIZIALAK
- Urte bateko gelak: 2024ko martxoak 1etik 22ra izen-ematearen ordenaren arabera.
- Bi urteko gelak eta DBH bitartean: 2024ko otsailaren 7tik 23ra.
- Batxilergoa: 2024ko apirilaren 8tik 19ra
Epea irekitzen denean, onarpen prozesua egiten has zaitezke. Horretarako ondorengo dokumentazioa aurkeztu beharko duzu:
BEHARREZKO DOKUMENTAZIOA
Urte bateko gelak:
- Ikasleen errolda orria. Hemen deskargatu
- Ikaslearen familia-liburuko orriaren fotokopia edo beste egiaztagiri ofizialen bat.
- Aita/amaren familia-liburuko orriaren fotokopia edo tutorea dela egiaztatzen duen agiria.
- Aita, ama edo tutorearen NAN/AIT. Familia helbidearen ziurtagiria Udalak egina, hiru hilabeteko antzinatasuna izango duena, gehienez ere.
Bi urteko geletatik aurrera:
- Eusko Jaurlaritzako eskabide orria eta hezkuntza-laguntzako berariazko premiei buruzko galdetegia Hemen deskargatu
- Eusko Jaurlaritzako eskabide orria Batxilergorako Hemen deskargatu
- Familia-liburuan ikaslea azaltzen den orriaren fotokopia edo beste egiaztagiri ofiziala.
- Familia-liburuan aita/ama azaltzen den orriaren fotokopia edo lege-tutorea izatearen ziurtagiria.
- Ikaslea familia-harreran egotekotan, berezko ziurtagiri ofiziala.
- Ikaslearen aita, ama edo lege-tutorearen NANaren fotokopia (AIT atzerritarrak izanez gero).
- Familia helbidearen ziurtagiria Udalak egina, hiru hilabeteko antzinatasuna izango duena, gehienez ere.
- Familia banandua edo dibortziatua izatekotan, berezko protokoloa bete izanaren agiria: ezkontide ohiaren baimen-idazkia, ebazpen judiziala edo behin-behineko neurria, etab.
- Aitortutako hezkuntza premia bereziei buruzko diagnostikoa, halakorik izanez gero.
- Hezkuntza premia berezietako galde-sorta (premia berezietako ikasleak).
- Ikaslearen muturreko prematuritate edo prematuritate handia egiaztatzen duen txosten medikoa (Haur Hezkuntzarako bakarrik).
- Egindako ikasketen ziurtagiria (EEAtik kanpo datozen ikasleak bakarrik)
- Baremaziorako beharrezkoa den dokumentazioa hemen begiratu.
DOKUMENTAZIOA NOLA AURKEZTU
Dokumentazio aurkezteko bi aukera dituzu; gure Ikastetxean aurrez aurre edo On-line:
- Aurrez aurre Claret Askartza zure lehen aukera bada: Haur Hezkuntzako lehenengo zikloko (1 eta 2 urteko gelak) idazkaritzara hurbildu zaitezke hurrengo ordutegian: astelehenetik ostiralera 9:30etik 13:30era eta 15:00etatik 17:00etara.
- Online: 2 urteko geletatik aurrera, izapidea Hezkuntza Sailak horretarako gaitutako «Ikasgunea» aplikazio informatikoaren bidez egin daiteke.
Oraindik eskolatu gabe dauden eta hurrengo ikasturtean Askartzan 2 urteko ikasgeletan edo aurrerago sartu nahi duten ikastetxeko ikasleen anai-arrebentzat, matrikulazio prozesu hau kudeatzea beharrezkoa da.
ZERBITZUAK BAIEZTATU
¡Claret Askartzako kide zara jada! Onarpena behin baieztaturik dagoenean, azken pauso bat geratzen zaizu: gure Ikastetxean kontratatu nahi dituzun zerbitzuak hautatzea. Horretarako, mesedez, ondorengo galdetegiak bete itzazu eta dokumentazioa [email protected] helbidera bidali ezazu:
GURE ZERBITZUEN INGURUKO DOKUMENTAZIOA
- Jantokia eta eskola garraioaren galdetegia hemen bete (Oraindik ez dago eskuragarri).
- Babes ordutegiko galdetegia hemen bete. (Oraindik ez dago eskuragarri).
- Bankuko dokumentazioa hemen deskargatu. (Oraindik ez dago eskuragarri).
- Liburuen galdetegia hemen bete. ((Oraindik ez dago eskuragarri).
BERE IBILBIDEA IKASTETXEAN HASIKO DU
Hazkuntza eta ikaskuntza bide zoragarria du zain.
Lehenengo urtea duenetik adin-nagusitasunera iritsi arte.
URTE BATEKO GELAK: ZAINTZA GIROA
Mugitzea, ingurune naturalarekin elkarreragitea eta hura deskubritzea sustatzen dugu, zentzumen guztiak estimulatuz.
BI URTERTATIK DBH 4. MAILARA: IKASKUNTZA ETENGABEAN
BATXILERGOA 1 ETA 2: HAZKUNTZA PERTSONALA
TESTIGANTZAK
David, Iratxe, Paula eta Iñakik haien esperientzia elkarbanatzen dute Claret Askartzako aita eta ama bezala.
MAIZ EGITEN
DIREN GALDERAK
MAIZ EGITEN
DIREN GALDERAK
Zenbat eskabide aurkez ditzaket?
Bat. Bat baino gehiago aurkeztuz gero, ez da horietako bat bera ere kontuan hartuko.
Horrek esan nahi al du ikastetxe bat bakarrik eska dezakedala?
Ez. Zure eskaera orrian nahi beste eskaera egin ditzakezu. Eskaera bakoitzak ikastetxe bat eta hizkuntza-eredu bat ditu. Ahal beste eragin-eremuko zentro eskatzea gomendatzen da, batez ere etxetik hurbilen daudenak, hautatu gabeko ikastetxe bati esleitzea saihesteko.
Berdin al dio zein ordenatan eskatzen ditudan eskaerak?
Ez. Bere lehentasunen arabera ordenatu behar dituzu eskaerak, esleipenean ordenazio horren arabera ahal duen onena esleituko zaizulako.
Ikastetxe berean jarraitzeko, eskaera aurkeztu behar al dut?
Ez. Gaur egun bi urteko edo goiko maila batean matrikulatuta badago eta hizkuntza-eredu berean jarraitu nahi badu, bere iraupena bermatuta dago, betiere ikastetxeak egiten ari denaren hurrengo maila ematen badu, eta, beraz, ez du inolako eskaerarik aurkeztu behar.
Dagoeneko ikastetxe bateko urtebeteko gelan badago, ikastetxe berean jarraitzeko eskaera aurkeztu behar al dut?
Bai. Ikasleak Eusko Jurlaritzako hezkuntza-sisteman bi urteko edo hortik gorako mailan sartzen dira. Ondorioz, ikastetxe batean urtebeteko mailan matrikula badu eta bertan bi urteko mailan egon nahi badu, onarpen prozesuan parte hartu behar du eta dagokion eskaera aurkeztu.
Guraso bananduen kasuan, ba al dago berezitasunik?
Bi alderdien arteko adostasuna behar da eskaera izapidetzeko, salbu eta epai judizial batek baimena ematen badio bakarrik gurasoetako bati, ikastetxea batean onartzeko edo lekuz aldatzeko eskatzeko. Adostasunik ez badago, ezingo da eskaera izapidetu harik eta hori baimentzen duen epai judiziala aurkezten den arte.
Nola aurkez dezaket eskabidea?
Bi modutan: Internet bidez (on-line) edo aurrez aurre, zure lehen aukerako ikastetxean.
Abantailarik ba al dut eskaera Internet bidez aurkezten badut?
Eskaeraren eragina berbera da, baina horrela egiten baduzu, ez duzu eskatzen d(it)uzun zentro(eta)ra joateko beharrik. Era berean, eskaneatuta, eskatutako dokumentazioa erantsi ahal izango duzu, bai nahitaezkoa, bai baremoaren puntuazioa lortzeko gehitu nahi duzuna.
Nola egiten da esleipena?
Hiru urteko gelan, Lehen Hezkuntzako 1. mailan eta DBHko 1. mailan onartzeko eskaerek, baldin eta atxikitako ikastetxeetatik badatoz, lehentasuna izango dute atxiki gabeko ikastetxeetatik datozene aurretik.
Hezkuntza-sisteman sartzeko ikastetxeek eskaintzen duten Haur Hezkuntzako beheko mailan, normalean 2 urteko ikasgelan (HHko hirugarren mailan), salbuespen gisa, HHko 3 urteko ikasgelan (laugarren mailan), hezkuntza-laguntzako berariazko premiak dituzten ikasleen eskabide kopuruak ez badu gainditzen hauentzako erreserbatutako plaza-kopurua, denak onartuko dira.
Era berean, hezkuntza-premia horiek ez dituzten ikasleen eskaera-kopuruak erreserbatutako plaza kopurua gainditzen ez badu, guztiak onartuko dira.
Eskabide-kopuru bakoitzari dagokion kupoa baino handiagoa bada, onarpen-aginduan ezarritako baremazio-irizpideen arabera ordenatuko dira eskabideak (https://www.euskadi.eus/y22-bopv/es/bopv2/datos/2023/01/2300036a.pdf), eta plaza libreak bete arte puntuaziorik handiena duten pertsonek bakarrik eskuratu ahal izango dute plaza bat.
Beste hezkuntza mailetan jasotako eskaeren kopuruak ez badu gainditzen lanpostu libreen kopurua, eskatzaile guztiak onartuko dira. Era beran, eskaera-kopuruak plaza libreen kopurua gainditzen badu, baremazio-irizpideen arabera ordenatuko dira, eta puntuazio handiena duten pertsonek soilik eskuratu ahal izango dute lanpostua, plaza libreak osorik bete arte.
Zein egoeratan geratuko da 2 urteko mailan eskatutako plazarik lortzen ez badu?
Kasu horretan, Hezkuntza Sailak plaza bat esleituko dio ofizioz. Nahi ez den ikastetxe bat esleitzea saihesteko, komenigarria da eskabidean eskaera-kopuru nahikoa adieraztea (batez ere zure eragineremuko ikastetxe guztiak),
lehentasunen arabera ordenatuta, eskaera horietako batean onartu ahal izateko. Araudiak ez du aurreikusten Sailak esleitutako plazari uko egitea.
Eta zein egoeratan geratzen da gainontzeko mailetan plazarik lortzen ez badu?
Datorren ikasturtean egonaldia bermatuta duen ikastetxe batean ikasten badu, bertan jarraituko du. Eskolatu gabe badago edo egungo ikastetxean datorren ikasturtean dagokion maila ematen ez bada, eskatutako plazarik lortzen ez badu, Hezkuntza Sailak plaza bat esleituko dio ofizioz. Nahi ez den ikastetxe bat esleitzea saihesteko, komenigarria da eskabidean eskaera-kopuru nahikoa adieraztea (batez ere zure eragin-eremuko ikastetxe guztiak), lehentasunen arabera ordenatuta, eskaera horietako batean onartu ahal izateko. Araudiak ez du aurreikusten Sailak esleitutako plazari uko egitea.
Seme edo alaba bat baino gehiagorentzako eskaera aurkezten badut, bermerik ba al daukat bati plaza esleitzen bazaio bestea automatikoki onartuko dela?
Ez. Onarpen-prozesuak banakako eskaerei erantzuten die, eta pertsona baten eskubideak ezin dira beste bati eskualdatu. Hala, familia bereko bi kide bananduta gera daitezke onarpen-prozesuaren ondorioz: pertsona batek onarpena lor dezake eta besteak ez; edo biak onartuak izan daitezke, baina ez zentro berean.
Non kontsulta dezaket hurbiltasunagatik ikastetxe bakoitzean dagokidan puntuazioa?
Hezkuntza Sailaren “Ikasgunea” atarian (https://ikasgunea.euskadi.eus/eu/inicio), “Ikastetxe bakoitzaren helbide-gertutasunarengatik baremoaren puntuak” izeneko atalean. Non kontsultatu ahal izango ditut eskatzaileen eta onarpenen zerrendak.
Zein da ikasgelako ikasle-ratioa?
Ikasgelako ratioa Eusko Jaurlaritzak ezartzen du: urtebeteko geletan gehienez 13 ikasle daude, eta 2 urteko geletan 18. Hiru urteko geletatik Lehen Hezkuntzaraino ratioa 25ekoa da. DBHko hezkuntza-etapan ratioa 30 ikaslekoa da, eta Batxilergoan 35 ikaslekoa.
Haur Hezkuntzako etapan zenbat tutore eta laguntzaile daude gela bakoitzean Claret Askartzan?
Haur Hezkuntzako lehenengo zikloan (1-2 urte) tutore bat dago ikasgela bakoitzarentzat eta gela guztiak estaltzen dituzten hiru laguntzaile. 3, 4 eta 5 urteko geletan, tutore bat esleitzen zaio gela bakoitzari, eta bi laguntzaile, hiru ikasturte horiek betetzeko.
Zenbatean behin aldatzen dute tutorea Claret Askartzan?
Haur Hezkuntzako lehen ziklotik Haur Hezkuntzako bigarren ziklorako igarotzean (2 urtetik 3ra) tutorea aldatu egingo da. 3 urtetik 5 urtera bitartean, tutore bera izango dute, eta Lehen Hezkuntzan, berriz, ziklo-aldaketa bakoitzean tutorea aldatuko dute, hau da, bi urtean behin.
Hasierako klaseko taldeak hezkuntza-etapa amaitu arte iraungo al du Claret Askartzan?
Ez. Soziogrametan eta kidetasunean oinarritutako talde-aldaketak egiten dira Lehen Hezkuntzako 1. mailara, Lehen Hezkuntzako 3. mailara eta Lehen Hezkuntzako 5. mailara igarotzean. DBHtik aurrera, hautazko irakasgaien hautaketak zehaztuko ditu taldeak.
Zein da eskola-ordutegia Claret Askartzan?
Haur Hezkuntzako Lehen Zikloan (1-2 urte) sartzeko eta irteteko ordutegia malgua dago: 9:00-9: 30 / 16: 30-17:00. Haur Hezkuntzako (3-5 urte) eta Lehen Hezkuntzako Bigarren Zikloaren ordutegia 9:30etik 17: 00etara da. Azkenik, DBHko eta Batxilergoko ordutegia 8:30etik 16: 00etara da.
Zer egin dezaket nire semea edo alaba Claret Askartzan utzi behar badut eskola-ordutegiaren aurretik edo ondoren?
Goiztiarren ortutegiko zerbitzua dugu goizeko 7:30etatik 9: 30etara eta 8: 30etatik 9: 30etara eta arratsaldetan ordu batekoa 17:00etatik 18:00etara. 1 eta 2 urteko geletan eguneko zerbitzu horren 2 ordu baino gehiago kontratatzea ez da posible izango, ikasleak legez ikastetxean egon daitezkeen orduak gainditzeagatik. Zerbitzu hau egun solteetan kontratatzeko aukera dago.
Eskola-garraioaren kontratazioak betetzen al du goiztiarren ordutegia?
Ez. Hala ere, goiztiarren zerbitzuan sartzeko edo irteteko ordu-tarte bakarra kontratatzen bada eta eskola-ordutegian sartzeko edo irteteko garraio-zerbitzua eduki nahi bada, autobusaren tarifan %15eko deskontua aplikatuko da.
“Gure eginkizuna Ikastetxean Claret Askartza sortu zen espiritu ebanjelizatzailea gogoraraztea, inspiratzea eta sustatzea da. Jesusen Ebanjelioa bizi nahi duten neska-mutil, familia eta gazteekiko berri ona izan daitekeela ulertzen dugu. Guk fedearen ibilbide horretan laguntzen ditugu. Ikastetxearen egunerokotasunean oso presente gaude, nire ustez, gugan pertsona hurbilak eta abegitsuak topatu ditzakete”.
“Aurrera eramaten dugun guztian, ikasleak haien ikaskuntza-prozesuaren protagonistak izaten saiatzen gara, horiei arreta handia eskainiz. Eurak dira laguntzeko pistak ematen dizkigutenak, entzun baino ez ditugu egin behar. Gauza guztien gainetik, pertsonekin lan egiten dugu eta eremu emozionala zaintzen dugu, neska-mutilak heldutasun eremuan ez ezik, emozionalean ere haz daitezen. Ikastetxean eta etxean haurrak laguntzeko gaude, biok itsasontzi berean goaz, elkarbanatutako Hezkuntza proiektu honetan. Horregatik, familiekin dugun harremana hurbila da eta konfiantzan oinarritzen da.”
“Eskolaz kanpoko jardueren garapena Ikastetxearen atal garrantzitsua da, haien eskaintzan topa dezakezun aniztasuna izugarria da. Badakit Askartzako ikaslea izan naizelako eta gaur egun, irakaslea naizelako, niretzat ezin aberatsagoa dena. Txikia nintzenetik hainbat gauza aldatu egin dira, baina garrantzitsuena hortxe mantentzen da: Ikastetxeak baloreetan hezteko egiten duen apustu ausarta.”
“Oso pozik gaude. Gure seme-alabak etxera zoriontsu heltzen direla ikusten dugu eta horixe da garrantzitsuena. Ikastetxe handia bada ere, hurbileko harremana dugula sentitzen dugu eta horrek liluratzen nau. Maisu eta andereñoek gure seme-alabei behar zuten momentuetan laguntza emateko bere aldetik guztia eman dute”.
“Ikastetxeari, kirolari, eskolaz kanpoko jarduerei eta udalekuei dagokionez eskainitako aukerak pilo bat eskertzen dizkiot… eta batez ere, egindako lagun eta ikaskideengatik. Txikitatik elkarrekin ikasi dugu, talde-lana Askartzako eremu orotan nabaritzen den ezaugarria da. Esaterako, kirol diziplina guztietan kiroltasuna, ondo sentitzea, txapelketa eta besteen aurreko garaitzeko nahia baino lehen errespetua eta apaltasuna dira nagusi,”.
“Gure seme-alabak ikastetxe honetara aldatu genituen eta oso pozik gaude. Hasiera batean, nire emaztea eta biok Ikastetxearen tamainaren beldur ginen, baina okertuta geunden. Izan ere, bertan dagoen antolakuntza erabatekoa da eta irakasleriarekin mantendu dezakezun harremana ona eta zuzenekoa. Asko lagundu gaituzte eta gure seme-alabek asko aurreratu dutela nabaritzen dugu.”
