elkartasun txokoa
Munduko gosearen arazo larriaz oharturik, aurten ere “Manos Unidas” GGKEak antolatutako “Gosearen aurkako Kanpaina” sustatuko dugu gure Ikastetxean. Aurtengo leloa honakoa da: “Desberdinkeria geldiaraztea zure esku dago”. Kanpaina hori aurkezten duen bideoa ikustera gonbidatzen zaituztegu.
Claret Askartza ikastetxean Solidaritate katearekin batera, gosearen kontra egiteko hiru ekintzak hauek eramango ditugu aurrera:
- “Elkartasun Txokoa”. Otsailaren 6tik 12ra bitartean oinarrizko elikagaiak batuko ditugu, Leioan, Erandion eta Getxon lanean diharduen SORTARAZI (Giza Garapenerako Klaretar Elkartea) erakundearen bidez, premia egoeran dauden familien artean banatzeko.
- “Gozokirik gabeko asteburua”. Lehen Hezkuntzako ikasleei, asteburuan gozokiak erosteko dirua gastatu beharrean, diru hori elikagaiak erosteko erabiltzea eta Elkartasun Txokoko kutxan sartzea proposatuko diegu.
- “Borondatezko baraua”. DBH 3. mailatik aurrerako ikasleak eta hezitzaileak borondatezko baraualdian parte hartzera gonbidatuko ditugu. Bazkari horri dagokion dirua “Manos Unidas” GGKEak gosearen kontra aurrera daramatzan proiektuetarako erabiliko da.